5 որակ, որոնք կօգնեն ընտրել համապատասխան թեկնածուին

Ողջու՜յն,
Այսօր ԲիՎեբի ՄՌԿ մասնագետ Շուշանը կներկայացնի այն 5 որակները, որոնց պետք է ուշադրություն դարձնենք թեկնածուին ընտրելիս։
Դե ինչ, սկսեցինք👇

Աշխատավայրում արդյունավետ աշխատանքը և դրական միջավայրը կախված է ճիշտ և համապատասխան թեկնածուի ընտրությունից։ Հատկապես այն շատ կարևոր է փոքր ընկերությունների համար, որտեղ անձնակազմի անդամները սերտորեն կապված են միմյանց հետ։ Սխալ ընտրությունը կարող է առաջացնել բազում խնդիրներ և բացասական ազդեցություն ունենալ ողջ աշխատանքային միջավայրի վրա։ Հետևաբար, նախքան թեկնածուին ընտրելը, ցանկալի է նախապես որոշել բոլոր անհրաժեշտ որակները։

Մերօրյա աշխատանքային միջավայրի համար առավել կարևոր են հետևյալ 5 որակները՝

1. Բարձր աշխատանքային էթիկա
2. Լավ թիմակից
3. Դրական, «ես կարող եմ» մոտեցում
4. Ինքնամոտիվացիա
5. Ինթեգրիթի

Ուժեղ աշխատանքային էթիկան արժեքների համակարգ է, որը ցույց է տալիս թե աշխատակիցը որքան է մոտիվացված ու վստահելի։ Նման աշխատակիցը ամեն ինչի պատրաստ է իր ցանկալի հաջողությանը հասնելու համար, որն էլ իր հերթին նպաստում է ընկերության հաջողությանը։ Այս թեկնածուները ունենում են մեծ ձգտում դեպի իրենց նպատակը և դրական են արձագանքում ցանկացած խնդրի։

Լավ թիմակիցը կարևոր է աշխատանքային դրական միջավայրը պահպանելու համար, մենք պետք է վստահ լինենք, որ թեկնածուն համապատասխանում է թիմի մյուս անդամների հետ։
Սովորաբար աշխատավայրում լարվածություն է առաջանում, երբ նոր աշխատակից է ընդունվում։ Ուստի, դրանից խուսափելու համար շատ կարևոր է, որ նոր աշխատակիցը լինի թիմային, շփվող և իր արժեհամակարգով համապատասխան ընկերության թիմին։

Դրական, «ես կարող եմ» մոտեցման հիմքում ընկած է հավատը սեփական անձի նկատմամբ և ձգտումը ամեն ինչ փորձել, կարողանալ անել։ Նման աշխատակիցները
լինում են նախաձեռնող, իրենց ցանկությամբ վերցնում են նոր առաջադրանքներ, կարևորում են առաջընթացը և ցանկացած մարտահրավեր ընդունում և հաղթահարում են ժպիտով։
Հետազոտությունների արդյունքում պարզվել է, որ դրական և ուրախ աշխատակիցները 12 %-ով ավելի արդյունավետ են աշխատում։

Ինքնամոտիվացիան շատ կարևոր որակ է, քանի որ մոտիվացված աշխատակիցը կարիք չունի ավելորդ վերահսկողության և աշխատելիս էլ շատ վրիպումներ թույլ չի տալիս։ Ինքնամոտիվացված աշխատակիցը առավել ինքնուրույն է, նախաձեռնող և կարողանում է կատարել իր հանձնարարությունները առանց ուրիշների միջամտության:

Ինթեգրիթին համարվում է լավագույն որակներից մեկը, որն անհրաժեշտ է աշխատանքի արդյունավետ կազմակերպման և աշխատանքային դրական միջավայրի պահպանման համար։ Ինթեգրիթի ունեցող աշխատողը ունակ է պատասխանատվություն կրել սեփական սխալների համար, ընդունել քննադատություններ և առողջ դատել։ Նրա համար առաջնային է ազնվությունը և արդարությունը։
Հետազոտությունների արդյունքում պարզ է դարձել, որ ոչ ազնիվ վարվելակերպի պատճառով ընկերությունը տարեկան ունենում է 5 % կորուստ։

Այսպիսով, վերոնշյալ որակների բացահայտման համար մենք ԲիՎեբում, հարցազրույցի ժամանակ տալիս ենք հետևյալ հարցերը, և առավելագույնս փորձում ենք ընտրել այնպիսի աշխատակիցների, ովքեր ունեն վերը թվարկված որակները։

    • • Բերեք օրինակ, ի՞նչ եք դուք արել նախկին աշխատավայրում, որն արտացոլել է ջանասիրաբար աշխատելու ձեր կամքը,
    • • Պատմեք, ինչպե՞ս եք դուք լուծել կոնֆլիկտը կամ անհամաձայնությունը ձեր նախկին գործընկերոջ հետ,
    • • Պատմեք, աշխատանքում ձեզ հանդիպած մարտահրավերների մասին և թե ինչպե՞ս եք դրանք հաղթահարել,
    • • Ինչպե՞ս եք դուք արձագանքել այն խնդիրներին, որոնք վեր են եղել ձեր գիտելիքներից կամ ունակություններից,
    • • Եղել է նմանատիպ մի դեպք, երբ դուք ճիշտ եք կատարել ձեզ հանձնարարված task-ը, բայց այն ձախողվել է, ինչպե՞ս եք դուք արձագանքել այդ իրավիճակին։

Եվ վերջում, շնորհակալ ենք Շուշանին իր մասնագիտական փորձով մեզ հետ կիսվելու համար։

✅Նշեք, արդյո՞ք դուք կարևորում եք այս որակները, կամ ի՞նչ այլ որակներ եք դուք կարևորում և պարտադիր համարում, որ ձեր ընտրված թեկնածուն ունենա։

Կարդացեք նաև՝
ԲիՎեբի թիմբիլդինգը Դրախտիկում
Իմ առաջին մասնագիտական փորձը ԲիՎեբում

Share with love

34 Garegin Nzhdeh str.,
34 Business Center, 3rd floor

info@beewebsystems.com

SUBSCRIBE

Subscribe to BeeWeb's blog and get our latest news right in your inbox.

FOLLOW US